• Home
  • /
  • Tag Archives:  Phuket luxury hotel

LaLa Lee : The Thavorn Beach Village Resort 坐擁私人海灘的五星度假村

泰國在我心目中一直是一個resort天堂。每次去泰國都必需預留最少兩晚住resort,仲要足不出戶,好好享受resort裡的設施同活動先係最理想的假期。布吉就更加係超級超級resort天堂,今次推介一間5星級resort,有私人海灘,多種房型各有特色,超多活動,絕對會住到唔想走。 好多人揀有吉住宿會第一時間諗起芭東海灘附近,但個邊好嘈,我反而唔想住太熱鬧的地方,想擁有一個寧靜假期,The Thavorn Beach Village Resort就正中我心意。酒店離布吉芭東海灘大約20分鐘車程,位於僻靜的Kamala Beach,有一種世外桃源的感覺,但想出去都方便,因為酒店每日提供幾班免費接駁車去芭東,唔需要擔心交通問題。 酒店佔地超廣,先介紹下各種房型啦。酒店個泳池好大好靚,叫Lagoon Pool,係東南亞其中一個最大的freeform泳池。屬於Lagoon Pool Zone其中兩種房型就有泳池景露台,住地下個層係一推開露台個閘就可以直接衝落水,住樓上個層就唔可以,不過各有各好,上層私隱度高少少,下層會成日有人在露台隔離游水,感覺好近。室內房間好大好舒適,有浴缸又有淋浴間。好多resort環境都比較郊外,容易有蚊,所以房間特別提供有電子蚊香同蚊怕水,貼心!我就住上層的,最鍾意露台個景,望住泳池又有好多樹,非常悠閒,夜晚仲有星星睇。上層房Poolside with Bathtub最平由泰幣$3800起,約港幣$950。下層Tropical Pool Access 最平由泰幣$5070起,約港幣$1268。 另外有兩種房型係屬於Beach Zone,海灘前的別墅小屋,酒店有私人海灘,海灘前有一排白色小屋好靚,度假風極濃厚!最出個排可以望住個海灘,會貴少少,入面仲有幾排,未必睇到海灘,但都好近,周圍係花園,整個別墅區都好relax。別墅室內設計走柔和風格,最特別係個浴室,超大的石造淋浴間!入面個幾排Beach Cottage房價每晚由泰幣$3770起,約港幣$943。最出的Beachfront Cottage房價每晚由泰幣$6630起,約港幣$1658。 最後一種房型好霸氣,因為在山上的,歸類為Hillside Ocean Facing Zone。特設山頂纜車車你上房!!!好誇張呀酒店有纜車!!!除左纜車,可以選擇坐酒店的tuktuk或者行路上落山,山路是屬於輕鬆的那種。山上的房有種與世隔絕的感覺,非常清靜。室內裝潢有點古典味,大致同泳池露台房相近。最大賣點係個露台,個景不得了,有山有海!連個浴缸都在露台,一邊浸浴一邊睇風景,至高無尚的享受呀。再高級d會係套房,有房有廳個種。山上房的房價每晚由泰幣$3770起,約港幣$943,個人覺得係最抵!以上價錢都是淡季價格, 每年6月到10月就是淡季。   Please visit for more review>>http://lalalovetravel.blogspot.hk/2017/03/thavorn-beach-village-resort.html CR Photo & Review: Lala Lee

The Best Burger in Phuket

The Thavorn brand of Phuket luxury hotels has just added another accolade to its long list of remarkable features and awards – it can now boast the best burgers in Phuket. The culinary expertise of the team from Thavorn hotels was recognised in a blind-judged competition on 25th March 2017, beating dozens of rival hotels…